कुरुंदवाड / प्रतिनिधी
शिरोळ तालुक्यातील हेरवाड येथील स्टॅन्ड चौकात पोलीस नाईट पेट्रोलिंग करित असताना एक संशयित मोटरसायकलस्वार आढळून आल्याने त्याला ताब्यात घेऊन त्याच्याकडे अधिक चौकशी केली असता
त्याने परिसरातील एकूण तीन मोटरसायकली चोरल्याची कबुली दिल्याने त्याच्याकडून मोटरसायकली जप्त करून कुरुंदवाड पोलीस ठाण्यात गुन्हा दाखल करण्यात आला आहे. राजू अशोक लोणी (वय वर्षे २५) राहणार
लिंबू चौक इचलकरंजी असे संशयित आरोपीचे नाव आहे.याबाबत पोलिसांतून मिळालेली अधिक माहिती अशी की, शिरोळ तालुक्यातील शिरदवाड येथील असणाऱ्या हॉटेल जल्लोष समोरून बोरगाव येथील एका इसमाची मोटरसायकल चोरीस गेली होती.
याची नोंद कुरुंदवाड पोलीस ठाण्यात झाली होती. या घटनेचा तपास करीत असताना शिरोळ तालुक्यातील हेरवाड येथील स्टॅन्ड चौकात पोलीस नाईट पेट्रोलिंग करित असताना एक इसम आप्पाची कंपनीच्या मोटरसायकल
वरून प्रवास करीत असताना पोलिसांना संशय बळावल्याने त्याच्याकडे अधिक चौकशी केली असता त्याने शिरदवाड सह परिसरातील एकूण तीन मोटरसायकली चोरल्याची कबुली दिली. यावरून त्याच्या ताब्यात असलेल्या
तीन मोटरसायकली पोलिसांनी जप्त करून त्याच्यावर कुरुंदवाड पोलीस ठाण्यात गुन्हा दाखल केला आहे.सदरची कारवाई पोलीस उपाधीक्षक समीरसिंह साळवे,सहायक पोलीस निरीक्षक रविराज फडणीस,
पोलीस उपनिरीक्षक सागर पवार यांच्या मार्गदर्शनाखाली पोलीस नाईक संतोष साबळे, पोलिस अंमलदार सागर खाडे, नागेश केरीपाळे, फारूक जमादार यांच्या पथकाने केली.
