शिरोळ / प्रतिनिधी
ग्लोबल एज्युकेशन अँड रिसर्च ट्रस्ट मुंबई व रयत शिक्षण संस्थेचे सिद्धेश्वर विद्यालय कुर्ली जिल्हा बेळगाव यांच्या संयुक्त विद्यमाने आयोजित राज्यस्तरीय वक्तृत्व स्पर्धेत कु.शांभवी श्रीकांत माळकर हिने प्रथम क्रमांक पटकावला.ती शिरोळ येथील श्री.पद्माराजे विद्यालय व ज्युनिअर कॉलेजची विद्यार्थीनी आहे.तिला रोख रू.५००१ स्मृतीचषक व प्रमाणपत्र देऊन मान्यवरांच्या हस्ते गौरविण्यात आले.या स्पर्धेत महाराष्ट्र व कर्नाटकातील विविध ठिकाणच्या ३५ स्पर्धकांनी सहभाग घेतला होता.या कार्यक्रमास स्टडी सर्कलचे संस्थापक अध्यक्ष डॉ.आनंद पाटील (मुंबई),डॉ.चंद्रकांत कुरबिटे (निपाणी),सुनिल पाटील(नागपूर),प्रशालेचे मुख्याध्यापक एस.एस.चौगुले,स्पर्धा समन्वयक टी.एस.यादव,शिक्षक, पालक व विद्यार्थी बहुसंख्येने उपस्थित होते.या स्पर्धेत कु.शांभवी माळकर हिने ‘खरंच देश प्रजासत्ताक झाला का..?’ या विषयावर आपले विचार अत्यंत प्रभावीपणे मांडले.तिला शाळेचे मुख्याध्यापक,उपमुख्याध्यापक व सर्व शिक्षक शिक्षकांचे मार्गदर्शन लाभले.या यशाबद्दल तिचे सर्व स्तरातून कौतुक होत आहे.
