कुरुंदवाड / प्रतिनिधी
अब्दुललाट(ता.शिरोळ) वडगिरी रस्त्यावरील बेळकुडे मळ्यात उघड्यावर तीन पाणी जुगार अड्ड्यावर कुरुंदवाड पोलिसांनी छापा टाकून ६ जुगाऱ्याना ताब्यात घेतले आहे.त्यांच्याकडून रोख रक्कम,चार दुचाक्या आणि जुगाराचे साहित्य असा सुमारे २ लाख ८० हजाराचा मुद्देमाल जप्त केला आहे.ही कारवाई रविवारी सायंकाळी ५ वाजता सपोनी रविराज फडणीस यांच्या मार्गदर्शनाखाली उपनिरीक्षक सागर पवार यांच्या पथकाने केली.अब्दुललाट येथील वडगिरीखणीच्या रस्त्यावर असणाऱ्या एका मळ्यात पैसे लावून तीन पानी जुगार सुरू असल्याची माहिती पोलिसांना मिळताच सापळा रचून छापा टाकला असता.राजाराम पुजारी,सागर लोहार, मोहन कांबळे,मुस्ताक हसुरे,अनंत बुगड,लहू कोळी सर्व रा.अब्दुललाट हे सहा जण पैसे लावून तीन पाणी जुगार खेळत असताना रंगेहात मिळून आले.त्यांच्याकडून १० हजार ३०० रुपये रोख रक्कम, ४ मोटरसायकली असा मुद्देमाल जप्त करण्यात आला आहे.तसेच शिवणाकवाडी ता.शिरोळ येथे जिल्हा गुन्हे अन्वेषण शाखेच्या वतीने दारू अड्ड्यावरती ही छापा टाकून ६ हजाराच्या देशी दारूच्या बाटल्या जप्त करून एकाला ताब्यात घेतले आहे.
