युनिट १० मधील जायंटस् ग्रुपचाही गौरव
शिरोळ / प्रतिनिधी
जायंटस् वेल्फेअर फाउंडेशन या आंतरराष्ट्रीय सामाजिक संस्थेचे तीन दिवसीय वार्षिक अधिवेशन नुकतेच केरळ येथील त्रिवेंद्रम येथे संपन्न झाले यामध्ये सुधीर कुलकर्णी व डॉ स्नेहल कुलकर्णी यां दापत्यांचा विशेष पारितोषिक देऊन सन्मान करण्यात आला.
या अधिवेशनामध्ये जायंटस् वेल्फेअर फाउंडेशनचे फेडरेशन २ क मधील युनिट क्रमांक १० मधील जायंटस् ग्रुप्सना व पदाधिकाऱ्यांना विशेष पारितोषिक देऊन सन्मानित करण्यात आले.
या प्रसंगी जायंटस् वेल्फेअर फाउंडेशनच्या विश्व अध्यक्षा शायना एनसी यांच्यासह मान्यवर उपस्थित होते.यामध्ये युनिट क्रमांक दहाचे युनिट डायरेक्टर सुधीर उर्फ भैय्या कुलकर्णी यांना बेस्ट डायरेक्टर म्हणून सर्टिफिकेट देऊन गौरविण्यात आले तसेच या युनिटमधील जायंटस् ग्रुप ऑफ दुर्गा सहेली या ग्रुपला ग्रुप वृद्धीसाठी सन्मान चिन्ह देवून गौरविण्यात आले.
त्याचप्रमाणे युनिटमधील संमती सांगली आणि जायंटस् ग्रुप ऑफ शिरोळ सहेली.या दोन्ही ग्रुप्सना सदस्य वाढीसाठी सन्मान चिन्ह देण्यात आले या युनिटच्या मार्गदर्शिका व फेडरेशन २ क च्या समन्वयिका डॉ सौ स्नेहल कुलकर्णी यांना सहेली सिंपोजियम इन्चार्ज म्हणून सन्मान चिन्ह देऊन सन्मानित करण्यात आले या यशासाठी फेडरेशन अध्यक्ष, सर्व केंद्रीय समिती सदस्य, विशेष समिती सदस्य फेडरेशन माजी अध्यक्ष यांचे मार्गदर्शन व सहकार्य मिळाले असे सुधीर कुलकर्णी आणि डॉ सौ स्नेहल कुलकर्णी यांनी सांगितले.
