हातकणंगले / सुकुमार अब्दागिरे
हातकणंगले येथील बसस्थानकात गुरूवारी दुपारी १ च्या दरम्यान थांबलेल्या अल्पवयीन मुलिची छेडछाड करण्याच्या उद्देशाने आलेल्या कुंभोज ता.हातकणंगले येथील प्रितम खोत याच्या विरोधात हातकणंगले पोलिस ठाण्यात गुन्हा नोंद करण्यात आला आहे.प्रितम खोत याने या अधिही संबंधीत अल्पवयीन मुलीला त्रास देण्याचा प्रयत्न केला होता मात्र मुलीच्या नातेवाईकांनी त्याला समज दिली होती मात्र खोत याने गुरुवारी दुपारी पुन्हा एकदा त्रास देण्याचा प्रयत्न केल्याने त्याच्यावर गुन्हा नोंद करण्यात आला आहे.पोलिसांकडून मिळालेली अधिक माहिती अशी की कुंभोज ता.हातकणंगले येथील अल्पवयीन मुलगी हातकणंगले बसस्थानकात घरी जाण्यासाठी आपल्या वडीलांची वाट बघत थांबली असताना आरोपी प्रितम कुबेर खोत हा मोटर सायकलवर तिच्या जवळ थांबला असल्याचे मुलीच्या वडीलांनी पाहीले.त्यावेळी खोत हा मुलीच्या वडीलांना बघुन पळून गेला.आरोपी प्रितम खोत हा संबंधीत अल्पवयीन मुलगी बसलेल्या एस टी बसचा पाठलाग करत हातकणंगले बसस्थानकात आल्याचे मुलगीने आपल्या वडिलांना सांगीतले तसेच तुझ्याशी बोलायचे आहे.तु बोलत का नाहीस, असे म्हणून व वारंवार पाठलाग करून अल्पवयीन मुलीस त्रास देत असल्याने मुलगीच्या वडीलांनी आरोपी प्रितम कुबेर खोत याच्या विरोधात हातकणंगले पोलिसांत गुन्हा दाखल केला असून अधिक तपास हातकणंगले पोलिस करत आहेत.
