पुलाची शिरोली / प्रतिनिधी कुबेर हंकारे
येथील विज वितरण विभागाचे प्रधान तंत्रज्ञ अशोक राजाराम कोळी यांना उत्कृष्ट तारमार्ग कर्मचारी म्हणून जिल्हा पुरस्कार देवून गौरविण्यात आले.१ मे महाराष्ट्र दिन व कामगार दिनानिमित्त महाराष्ट्र राज्य विजवितरण कंपनी परिमंडळ कोल्हापूर यांचे वतीने जिल्ह्यातील उत्कृष्ट कामगिरी बजावलेल्या व्यक्तींचा विशेष गौरव करण्यात आला.
अशोक कोळी हे गेल्या अडीच वर्षापासून पुलाची शिरोली कार्यालयाकडे प्रधान तंत्रज्ञ म्हणून कार्यरत आहेत. त्यांनी गावातील सर्वच घटकांना अत्यंत चांगली सेवा दिली आहे.शेतीच्या पाण्यासाठी,व्यापारी,औद्योगिक, व्यावसायिक व घरगुती वीजपुरवठा नियोजन व तत्काळ सेवा देण्याचे चांगले काम कोळी यांनी केले आहे.
या पुरस्काराच्या निमित्ताने त्यांचेवर अभिनंदनाचा वर्षाव होत आहे.
