गोकुळ दूध संघाच्या वतीने वाशी (नवी मुंबई) येथे “गोकुळ शक्ती” या नवीन गुणप्रतीच्या दुधाचा विक्री व वितरण समारंभ नामदार हसन मुश्रीफ साहेब यांच्या हस्ते व आमदार सतेज पाटील अध्यक्षतेखाली संपन्न झाला. ग्राहकांकडून स्पेशल होमोजिनाइज्ड केलेले टोन्ड दूध उपलब्ध करून द्यावे,अशी मागणी होती.त्यानुसार गोकुळने संकलित केलेल्या गाय दुधावर विशेष प्रक्रिया करून तसेच व्हिटॅमिन ए व डी ने फोर्टीफाईड केलेले टोन्ड दूध “गोकुळ शक्ती” या नावाने उपलब्ध करून देण्यात आले आहे. पहिल्याच दिवशी वितरक व विक्रेते यांच्याकडून झालेली मागणी पाहता हे दूध ग्राहकांच्या पसंतीस उतरेल याची खात्री आहे.या कार्यक्रमास महाराष्ट्र प्रदेश युवक काँग्रेस उपाध्यक्ष अनिकेत म्हात्रे, गोकुळचे चेअरमन अरुण डोंगळे,माजी चेअरमन व विद्यमान संचालक विश्र्वास पाटील (आबाजी), कार्यकारी संचालक योगेश गोडबोले यांच्यासह सर्व संचालक,अधिकारी व कर्मचारी,दूध उत्पादक संस्था प्रतिनिधी, वितरक व सभासद उपस्थित होते.
