जयसिंगपूर ख्रिस्ती बांधवांचा आमदार यड्रावकर यांना पाठिंबा
आमदार यड्रावकर यांच्या विजयासाठी केली चर्चमध्ये प्रार्थना
जयसिंगपूर / प्रतिनिधी
जयसिंगपूर येथील जयसिंगपूर ख्रिस्ती मंडळी डॉ. एम.के. लोखंडे मेमोरियल चर्चमध्ये झालेल्या कार्यक्रमात राजर्षी शाहू विकास आघाडीचे उमेदवार आमदार डॉ. राजेंद्र पाटील यड्रावकर यांना जाहीर पाठिंबा देण्यात आला. यावेळी धर्मगुरू आप्पासाहेब मिरजकर यांनी आमदार राजेंद्र पाटील यड्रावकर यांच्या विजयासाठी प्रार्थना केली.यावेळी आमदार डॉ. राजेंद्र पाटील यड्रावकर यांचा पुष्पगुच्छ देऊन सत्कार करण्यात आला. यावेळी बोलताना धर्मगुरू आप्पासाहेब मिरजकर म्हणाले, जयसिंगपूर ख्रिस्ती मंडळीसाठी आमदार राजेंद्र पाटील हे यड्रावकर यांच्या माध्यमातून विकास साधला गेला आहे. यापुढेही चर्चच्या कंपाउंडसाठी निधी देण्याची ग्वाही दिली आहे. चर्च सारख्या प्रार्थनास्थळाला आमदार यड्रावकर यांनी भरभरून निधी दिल्याने त्यांच्या विजयासाठी आम्ही सर्व बांधव त्यांच्या पाठीशी उभे राहणार असल्याचे सांगितले.बोलताना आमदार यड्रावकर म्हणाले, या चर्चचे आणि माझे नाते जुने आहे. अगदी चर्चच्या पाया खुदाई समारंभावेळी मी वडिलांच्या सोबत उपस्थित होतो, आजही या चर्चसाठी निधी देण्याचे भाग्य माझ्या हातून घडत आहे, यापुढेही चर्चसारख्या प्रार्थना स्थळाचा विकास करण्यासाठी नेहमी अग्रभागी राहीन, असे सांगितले.यावेळी अध्यक्ष मधुकर ढाले, नितीन पाटोळे, जॉन सकटे, सुधीर ढाले, सेक्रेटरी साकीन आठवले, खजिनदार अजय लोखंडे, सदस्य सुधीर ढाले, सजू स्टॅनली, अविनाश आवळे, समशोल सकटे, कुमार कुरणे, दाविद कांबळे, एलिया आवळे, प्रदीप ढाले, अमोल कोठावळे यांच्यासह समाज बांधव मोठ्या संख्येने उपस्थित होते.
