पु.शिरोली प्रतिनिधी / कुबेर हंकारे
अक्कलकोट श्री स्वामी समर्थ महाराजांच्या पादुकांचे दर्शन
भाविकांची उच्चांकी गर्दी होणार फुलाची शिरोली येथील श्री स्वामी समर्थ नाम जप भक्त मंडळ यांच्यावतीने दिनांक २६ फेब्रुवारी २०२४ रोजी ब्रह्मांडनायक श्री स्वामी समर्थ महाराज नामस्मरण सोहळ्याचे आयोजन केले आहे.या दिवशी अक्कलकोट येथील स्वामी समर्थ पादुकांचे बिरदेव मंदिर येथे नामस्मरण सोहळा आयोजकांनी दिलेल्या माहितीनुसार पार पडणार आहे.
ब्रह्मांडनायक श्री स्वामी समर्थ महाराजांच्या नामस्मरण सोहळ्याचे आयोजन करण्यात आले आहे. हा नामस्मरण सोहळा सायंकाळी ६:००ते सायं. ८.३० या वेळेत श्री बिरदेव मंदिर येथे होणार असून,सायंकाळी ६:०० वाजता पादुका पूजन, प्रवचन, भजन , नामस्मरण ,महाआरती आणि नामस्मरण सोहळा प्रसिद्ध प्रवचनकार प्रा. कुलदीप साळोखे, श्री स्वामी समर्थ भजनी मंडळ कारभार वाडी यांचे भजन होणार आहे इच्छापूर्ती पदयात्रेचे कार्याध्यक्ष सुहास पाटील यांच्या मार्गदर्शनाखाली संपन्न होणार आहे. तसेच सायंकाळी ८.३० वाजता महाप्रसादाने या सोहळ्याची सांगता होणार आहे.अशा या ब्रम्हांडनायक श्री स्वामी समर्थ महाराज यांच्या भव्य-दिव्य अध्यात्मिक नामस्मरण जप महासोहळ्याचा पुलाची शिरोली परिसरातील एक हजार स्वामी भक्त लाभ घेतील, अशा पद्धतीने संयोजन समितीने बैठक व्यवस्था व प्रसादाची व्यवस्था केली आहे. तरी जास्तीत जास्त भाविकांनी सहकुटुंब सहपरिवार उपस्थित राहून या नामस्मरण सोहळ्याचा लाभ घ्यावा, तसेच या नामस्मरण सोहळ्यामध्ये ज्या स्वामी भक्तांना सेवा द्यायची असेल त्यांनी श्री स्वामी भक्त सचिन कागले , सचिन ईटकरकर , महेश पाटील, महेश सूर्यवंशी यांच्याशी संपर्क साधावाअसेही आवाहन केले आहे.
