कुरुंदवाड / प्रतिनिधी
शिरोळ तालुक्यातील दत्तवाड येथे रस्त्यावरून घरी चालत जाणाऱ्या ऊसतोड मजुरांना स्कार्पिओ चालकांनी जोराची धडक दिल्याने या अपघातात चौघेजण जखमी झाल्याची घटना घडली आहे. दरम्यान अपघात झाल्यानंतर स्कार्पिओ चालकाने पळ काढला आहे. याबाबत घटनास्थळावरून मिळालेली अधिक माहिती अशी की, मलिकवाड मार्गावरून दतवाडच्या दिशेने ऊसतोड मजुरी आपल्या खोपट्याकडे चालत जात असताना समोरून येणाऱ्या स्कार्पिओ चालकाचा ताबा सुटल्याने झालेल्या धडकेत तीन ऊसतोड मजूर गंभीर जखमी झाले आहेत तर स्कार्पिओ लगत असलेल्या चरित कोसळल्यामुळे स्कार्पिओ मधील एक जण जखमी झाल्याचे घटनास्थळावरून समजते.दरम्यान ही स्कार्पिओ ऊसतोड मजुरांच्या टोळीतीलच असल्याची माहिती मिळाली असून या अपघातातील जखमींना सांगली येथील शासकीय रुग्णालयात दाखल करण्यात आले आहे.अद्याप कुरुंदवाड पोलिसात फिर्याद दाखल करण्यात आली नाही,
