शिरोळ / प्रतिनिधी
ऊसाच्या दरासाठी आंदोलन अंकुश संघटनेचे शिरोळ तहसील समोर बेमुदत धरणे आंदोलन सुरु आहे.या आंदोलनास अर्जुनवाडमधील ऊस उत्पादक शेतकऱ्यांनी पाठींबा देऊन आजच्या धरणे आंदोलनात सहभाग घेतला.यावेळी अर्जुनवाडचे रघुनाथ पाटील (गुरुजी) यांनी सांगितले की आत्तापर्यंत कधीही कारखाण्याची ऊस तोडीची क्रमपाळी चावडीमध्ये लावली नव्हती. ती यावर्षी लावली गेली आहे. तसेच आमच्या गावात यावर्षी प्रथमच ऊस तोडीसाठी कारखाण्यांची जादा यंत्रणा लावलेली दिसत आहे.उसाला परवडणारा दर मिळण्यासाठी शेतकऱ्यांनी या आंदोलनास पाठींबा देणे गरजेचे असल्याचे ते म्हणाले.आज तिसऱ्या दिवशी शिरोळ तहसीलसमोर बेमुदत धरणे आंदोलन सुरु आहे.
आजच्या आंदोलनात आंदोलन अंकुशचे संस्थापक धनाजी चुडमुंगे, माजी सरपंच शिवाजी म्हैशाळे उद्धव मगदूम, संजय चौगुले, प्रकाश झाबरे, आण्णा खोत, वसंत नरदे, बापुसो झांबरे, संपत मोडके, महेश जाधव, संभाजी माने यांच्यासह शेतकरी उपस्थित होते.