जयसिंगपूर / प्रतिनिधी
शिरोळ विधानसभा निवडणुकीच्या पार्श्वभूमीवर आज महाविकास आघाडीचे उमेदवार गणपतराव पाटील यांनी जयसिंगपूर शहरात विविध भागात पदयात्रा काढून मोठे शक्ती प्रदर्शन करत विरोधकांच्या बालेकिल्लातच धडकी भरवली आहे.जयसिंगपूर शहरासह शाहूनगर,संभाजीपूर या उपनगरातील मतदारांचा गणपतराव पाटील यांना मोठा पाठींबा मिळत असल्याने जयसिंगपूर शहरातील राजकीय वातावरण बदलले असून महाविकास आघाडीच्या पाठीशी मोठी ताकद उभी राहत असल्याचे दिसून येत आहे.दरम्यान पदयात्रेमध्ये मतदारांची अशी संवाद साधताना गणपतराव पाटील म्हणाले जयसिंगपूरची जनता सुज्ञ आहे.त्यांना आता बदल हवा आहे.जनतेने ठरवलं आहे त्यामुळे येत्या दोन दिवसात कोणत्याही आमिषाला व दबावाला बळी पडू नका तसेच महाविकास आघाडीच्या पाठीशी खंबीर उभे रहा असे आवाहन जयसिंगपूरकरांना केले.
