मी यड्रावकर गटात याआधीच प्रवेश केलेला असून यापुढे ही यड्रावकरांकरिताच काम करणार असल्याची प्रतिक्रिया स्वाभिमानी शेतकरी संघटनेचे माजी सदस्य विश्वास बालीघाटे यांनी आज जयसिंगपूर येथे आमदार डॉ राजेंद्र पाटील यड्रावकर यांची भेट घेऊन दिली. यावेळी विश्वास बालीघाटे पुढे म्हणाले आमदार राजेंद्र पाटील- यड्रावकर यांची विकासात्मक दृष्टीकोन पाहून तालुक्याचा सर्वांगीण विकास करणारे विद्यमान आमदार मा.राजेंद्र पाटील-यड्रावकर यांच्यासोबत राहण्याचा मी व माझ्या इतर सहकार्यांनी ठरविलेले असून यापुढेही त्यांच्यासाठीच काम करत राहणार,काल रात्री माजी खासदार राजू शेट्टी यांनी जबरदस्तीने
माझ्या छातीला बिल्ला लावून लोकांत गैरसमज पसरविण्याचा प्रयत्न केला गेला,कृपया याबाबत कुणीही गैरसमज करून घेऊ नये.मी आमदार यड्रावकरसाहेबांसोबत एकनिष्ठ असून याबाबत मी आमदारसाहेबांशी भेटून माझी भूमिका स्पष्ट केली आहे.
