लोकसभेच्या पार्श्वभूमीवर शिरोलीत पोलिसांचे संचलन

पुलाची शिरोली / प्रतिनिधी कुबेर हंकारे

दरम्यान उपविभागीय पोलीस अधिकारी सुजितकुमार क्षीरसागर सहाय्यक पोलीस निरिक्षक पंकज गिरी यांच्या मार्गदर्शनाखाली आज मंगळवारी शिरोली गावातून संचलन करण्यात आले.या संचालनासाठी राखीव पोलीस दलाची तुकडी ही बोलविण्यात आली होती.

लोकसभा निवडणुकीची आचारसंहिता लवकरच लागू होणार असल्याने शिरोली एमआयडीसी पोलीस प्रशासनाने निवडणुकीच्या काळात कोणताही अनुचित प्रकार घडू नये.शांतता सुव्यवस्था रहावी या दृष्टिकोनातून पोलिसांच्या वतीने खबरदारीचा उपाय म्हणून पोलीस ठाण्यापासून संचलन करण्यात आले.

संवेदनशील भाग,मुख्य बाजारपेठ, मिश्र वस्ती, महत्त्वाचे चौक ते पोलीस ठाणे असे संचलन करण्यात आले. यावेळी शिरोली एमआयडीसी पोलीस ठाण्यातील पोलीस अधिकारी,पोलीस अंमलदार सहभागी झाले होते.