शिरोळ / प्रतिनिधी
जायंटस् ग्रुप ऑफ दुर्गा सहेलीच्या वतीने महात्मा गांधी पुण्यतिथीनिमित्त शिरोळ येथील राजश्री शाहू कुमार विद्या मंदिर क्रमांक १ या शाळेत स्वच्छता अभियान राबवून शाळेत उपयोगी असणाऱ्या स्वच्छता साहित्याची भेट देण्यात आली.
राष्ट्रपिता महात्मा गांधी यांच्या पुण्यतिथीचे औचित्य साधत जायंटस् ग्रुप ऑफ दुर्गा सहेलीच्या माध्यमातून राजश्री शाहू विद्या मंदिर या शाळेचा शालेय परिसर स्वच्छ करण्यात आला तसेच जायंटस् ग्रुप ऑफ दुर्गा सहेलीच्या माजी अध्यक्षा सौ. अनुराधा वेल्हाळ यांनी आपल्या वाढदिवसानिमित्त शाळेला स्वच्छता साहित्य भेट दिली .
या प्रसंगी जायंटस् फेड. को ऑरडीनेटर सौ.स्नेहल कुलकर्णी यांनी जायंटस् च्या कार्याची आणि संस्थेबद्दल माहिती सांगितली. जायंटस् ग्रुप ऑफ दुर्गा सहेलीच्या
माजी अध्यक्षा सौ.अनुराधा वेल्हाळ, सौ. कुसुम जगदाळे यांनी मनोगत व्यक्त केले.
या प्रसंगी जायंटस्. फेडरेशनचे स्पेशल ऑफिसर सुधिर ( भैय्या )कुलकर्णी,जायंटस् ग्रुप ऑफ दुर्गा सहेलीच्या अध्यक्षा सौ. अश्विनी नरूटे , सौ. नलिनी देसाई , सौ संगीता जाधव शाळेच्या मुख्याध्यापिका सौ.आशा शहापूरे, शिक्षक बाळासाहेब कोळी रमजान पाथरवट दीपक वावरे श्रीमती भारती इंगळे, सौ. विमल वर्धन, सौ. तेजस्विनी पाटील, सौ. प्रियांका जगदाळे, अश्विनी चुडमुंगे यांच्यासह शिक्षक व विद्यार्थी मोठ्या संख्येने उपस्थित होते.
