शिरोली पोलिस ठाण्याच्या हाकेच्या अंतरावर वीस लाखाची धाडसी चोरी
पुलाची शिरोली प्रतिनिधी / कुबेर हंकारे
शिरोली औद्योगिक वसाहतीमधील नेक्सस कटींग सोल्युशन या टुल्स दुकानात चार महिन्यात दुसर्‍यांदा टुलांची धाडसी चोरी झाल्याचा प्रकार मंगळवारी उघडकीस आला.. यावेळी २० लाखांचे टुल्स व सिसिटिव्ही डिव्हीआर सेटअप अज्ञात चोरट्यानी लांबवले ही चोरी शिरोली पोलिस ठाण्याच्या हाकेच्या अंतरावर घडल्याने शिरोली परिसरातील व्यवसाय असुरक्षित असल्याचे या घटनेतून स्पष्ट दिसत आहे.शिरोली पोलिस ठाण्याच्या दोन मिनिटांच्या अंतरावर असणाऱ्या नेक्सस कटींग सोल्युशन या टुल्स दुकानात चार महिन्यात दोन वेळा धाडसी चोरीचा प्रकार घडला असून मागिल चोरीत याच दुकानाची मागिल भिंत फोडुन ६० लाखांचे टुल्सची चोरी झाली होती या चोरीचा तपास गुन्हे अन्वेषण पथक करत आहे पण अद्यापही त्याना या चोरीबाबत कोणताही सुगावा हाती लागलेला नाही.
यावरून तपासात गती नसल्याचे पष्ट दिसत असतानाच याच दुकानाचे समोरील शेटरच्या लोखंडी पट्ट्या उचकटुन अज्ञात चोरट्यानी आत प्रवेश करुन तिजोरीतील कार्बाईड इनसर्ट्स एकुण नग 7,752 त्याची किंमत 17,96,252 /- , सर्व प्रकारचे कटर्स एकुण नग 16 त्याची किंमत 10, 1929 / , सर्व प्रकारचे टॅप्स एकुण नग 83 त्याची किंमत 1,38,103 / असे एकुण २० लाख ३६ हजार २८४ रूपयांच्या टुल्स चोरट्यानी लांबवले त्याच बरोबर त्यानी स्मॅक बिल्डिंगच्या परिसरात असणाऱ्या सिसिटिव्ही काॅमेराचा डिव्हीआर ही लांबवून चोरीचा पुरावा नष्ट करण्याचा प्रयत्न केला आहे ही चोरी या परिसराची रेकी करून केली असल्याची डिव्हीआर चोरी वरून दिसून येत आहे . या चोरीची फिर्याद सागर पंडीतराव निकम यानी शिरोली पोलिसात दिली आहे .
