जयसिंगपूरात जिवे ठार मारण्याच्या उद्देशाने दोघांवर धारधार शस्त्राने हल्ला,एक गंभीर जखमी
तिघांविरुद्ध गुन्हा दाखल
जयसिंगपूर शहरातील गल्ली नंबर १३ येथे जयसिंगपूर नगरपरिषद शाळा नंबर दोनच्या ग्राऊंड वर जिवे मारण्याच्या उद्देशाने दोघांवर धारदार शस्त्राने हल्ला करण्यात आला.या हल्ल्यात भिमराव तानाजी पाथरवट ,रोहित तिप्पाण्णा पाथरवट हे गंभीर जखमी झाले आहेत. याप्रकरणी सुरज पवार,सुनील पवार, प्रवीण शिंगाडे सर्व राहणार समडोळे मळा शाहुनगर जयसिंगपूर यांचे विरोधात जयसिंगपूर पोलीस ठाण्यात गुन्हा दाखल करण्यात आला आहे.याबाबतची फिर्याद जखमी भिमराव तानाजी पाथरवट व.व.२७ यांनी दिली आहे.बुधवार दिनांक १४ फेब्रुवारी रोजी रात्री साडेआठ च्या सुमारास याती आरोपी हे यातील जखमी रोहित तिप्पाण्णा पाथरवट याचे सोबत झालेल्या किरकोळ भांडणाच्या कारणावरून मोटारसायकल वरून येवून यातील आरोपी सुरज पवार जखमी रोहित पाथरवट यास तुला जिवंत ठेवत नाही असे म्हणून जिवे ठार मारण्याच्या उद्देशाने सोबत आणलेल्या कोयत्याने डोकीत मारून गंभीर जखमी केले तसेच आरोपी सुनील पवार,प्रवीण शिंगाडे यांनी फिर्यादी भिमराव पाथरवट व साक्षीदार रोहित गाढवे यास लाथा बुक्यांनी मारहाण करून शिवीगाळ केली व आरोपी सुनील पवार याने जमीनीवर पडलेला दगड उचलून फिर्यादी भिमराव पाथरवट यांना फेकून मारून जखमी केले आहे अशी फिर्याद भिमराव तानाजी पाथरवट व.व.२७ व्यवसाय मजुरी राहणार गल्ली नंबर १३ जयसिंगपूर यांनी पोलीस ठाण्यात दिले बाजूने आरोपी सुरज पवार, सुनील पवार,प्रवीण शिंगाडे सर्व राहणार समडोळे मळा शाहुनगर जयसिंगपूर यांचे विरोधात गुन्हा दाखल करण्यात आला आहे. सदर गुन्ह्याचा तपास मा पोलीस निरीक्षक सत्यवान हाके यांचे आदेशाने पोसई माने हे करीत आहेत.
