शिरोळ पोलिसांकडून मोटरसायकल चोरटे जेरबंद
सहा मोटरसायकली केल्या जप्त
शिरोळ / प्रतिनिधी
शिरोळ पोलीस ठाण्याच्या हद्दीतील विविध गावातील मोटरसायकली चोरी करणाऱ्या नांदणी येथील दोन चोरट्यांना व तीन अल्पवयीन मुलांना शिरोळ पोलिसांनी ताब्यात घेऊन त्यांच्याकडून सहा मोटरसायकली जप्त केल्या आहेत.तसेच या गुन्ह्यातील उदगाव येथील संशयित आरोपी फरारी आहे अशी माहिती जयसिंगपूर विभागाच्या पोलीस उपाधीक्षक डॉ.रोहिणी सोळंके यांनी पत्रकार परिषदेत दिली यावेळी पोलीस निरीक्षक शिवाजी गायकवाड व गुन्हे प्रकटीकरण शाखेचे अधिकारी व अंमलदार उपस्थित होते.
गेल्या दोन महिन्यापासून शिरोळ पोलीस ठाण्याच्या हद्दीतील मोटरसायकल चोरीचे बरेच गुन्हे दाखल झाले होते सदरचे गुन्हे तातडीने उघडकीस आणण्याच्या सूचना जिल्हा पोलीस अधीक्षक महेंद्र पंडित यांनी शिरोळ पोलिसांना दिल्या होत्या.त्यामुळे पोलीस अधीक्षक महेंद्र पंडित अप्पर पोलीस अधीक्षक निकेश खाटमोडे-पाटील, पोलीस उपाधीक्षक डॉ.रोहिणी सोळंके यांच्या मार्गदर्शनाखाली पोलीस निरीक्षक शिवाजी गायकवाड, पोलीस उपनिरीक्षक आय बी मुल्ला,सहाय्यक फौजदार राजू पुजारी,पोलीस हवालदार बाबा पटेल,मधुकर मडिवाळ,सावित्री खंडागळे,पोलीस नाईक अभिजीत परब,पोलीस कॉन्स्टेबल रहिमान शेख,संजय राठोड, तेजस्विनी कदम,अभिजीत कोळी,रहीमतुल्ला पटेल यांच्या गुन्हे शोध पथकाने मोटर सायकल गुन्ह्याची सखोल तपास करून व गोपनीय माहिती मिळवून शिरोळ तालुक्यातील नांदणी येथील किशोर उर्फ दादासो बाळासो कांबळे १९ वर्षे, संकल्प शशिकांत हवलदार १९ वर्षे या दोघांना अटक केली.तर यातील तिसरा संशयित आरोपी तम्मा बसवराज परशराम देगनाळकर (रा उदगांव) हा फरारी आहे.तर सहभागी असणाऱ्या अन्य तीन अल्पवयीन मुलांनाही ताब्यात घेण्यात आले आहे. अटकेत असलेल्या संशयित आरोपींनी मोटरसायकल चोरीच्या गुन्ह्याची कबुली दिली. त्यांच्याकडून ६ मोटरसायकलही जप्त करण्यात आल्या आहेत.
मोटरसायकल बॉक्सर एम एच ०९ यू- ५८२८, टिव्ही एस सुझुकी एम एच .०९ ए एच- ६२०१ , टि .व्ही एस .सुझुकी के ए . २३ एच- ७९६५ , फॅशन प्लस एम एच १० ए बी १०३१ , टि .व्ही एस सुझुकी एम एच ०९ ए ई १३५३, टि .व्ही सुझूकी एम एच ०९ डी ३८५४ या क्रमांकाच्या मोटरसायकली पोलिसांनी हस्तगत केल्या आहेत.
