पुलाची शिरोली / प्रतिनिधी कुबेर हंकारे
पुलाची शिरोली ग्रामपंचायतीचे फाळा वसुलीबाबत सर्वत्र कौतुक होत असतानाच सिम्बॉलिक इंग्लिश स्कूलचा आठ वर्षांचा फाळा वसूल का केला नाही? असा सवाल सत्ताधारी समर्थकांनीचा घरचा आहेर दिला आहे.
पुलाची शिरोली ग्रामपंचायतीने सव्वा कोटीवर फाळा वसुलीसाठी धडक मोहीम उघडली आहे रहिवाशी व्यावसायिक कारखानदार या थकबाकीदारां विरोधात पुलाची शिरोली ग्रामपंचायत ने लोकन्यायालयाचाही दरवाजा ठोठावला आहे.परंतु सिम्बॉलिक इंग्लिश मीडियम स्कूलचा गेल्या आठ वर्षांपासूनचा थकीत फाळा ग्रामसभेत दोन वेळा ठराव होऊनही का वसूल होत नाही, असा सत्ताधारी समर्थका कडून घरचा आहेर देण्यात आला आहे.सिंबोलिक इंग्लिश मीडियम स्कूलच्या फाळा विषयी ग्रामविकास अधिकारी यांना वारंवार विचारून पाठपुरावा करून देखील वसुली का होत नाही असा
सवाल प्रशांत कागले,रामभाऊ बुडकर यांनी केला. ही फाळा वसुली केली नाही तर जन आंदोलन करण्याचा इशारा शिक्षण बचाव कृती समिती व शिरोली ग्रामस्थांच्या वतीने देण्यात आला आहे.ग्रामविकास अधिकारी ए. वाय. कदम यांनी २५ ऑगस्टच्या सभेत शिरोली ग्रामस्थांच्या मागणीनुसार हातकणंगले शाखा अभियंता यांचा रिपोर्ट येताच कर वसुली करण्याचे ठरले होते. त्यानुसार बांधीव क्षेत्र २३४०९ फूट एवढे मोजमाप झाले, परंतु या मोजणीस सिम्बॉलिक स्कूलने आक्षेप घेतला. प्रत्यक्षात वापर क्षेत्रावर कर आकारणी करावी अशी त्यांची मागणी आहे.त्यानुसार फेर मोजणी करावी असा ठराव ग्रामसभेत केला.याबाबत गट विकास अधिकारी यांना स्कूल क्षेत्र मोजमाप करण्यासाठी तारीखेची मागणी केल्याचा खुलासा केला.या घडामोडीमुळे सिम्बॉलिक इंग्लिश स्कूल फाळा वसुली विषय ऐरणीवर आला आहे.