शिरोळ / प्रतिनिधी
महाराष्ट्र राज्य २००५ पूर्वी टप्पा / अंशतः अनुदान प्राप्त शिक्षक-शिक्षकेत्तर कर्मचारी संघटना हिवाळी अधिवेशनादरम्यान नागपूर येथे विविध मागण्याकरिता निदर्शने,धरणे आंदोलन करणार असल्याची माहिती अनुदानप्राप्त शिक्षक शिक्षकेतर संघटनेचे अध्यक्ष प्रा.विजय शिरोळकर यांनी दिली.१ नोव्हेंबर २००५ पूर्वी अंशतः/ टप्पा अनुदान प्राप्त शिक्षकांना १९८२ ची जुनी निवृत्ती वेतन योजना लागू करण्यात यावी.उच्च न्यायालयाच्या नागपूर खंडपीठाने१०० टक्के अनुदानित शाळेतील १ नोव्हेंबर २००५ पूर्वी नियुक्त विनाअनुदनित तुकडीवरील शिक्षकांना जूनीच पेन्शन योजना लागू करावी, या आदेशाची अंमलबावणी तत्काळ करावी. विनाअनुदनित शिक्षकांना उप अनुदान सुद्धा नियुक्ती दिनांक ग्राह्य धरूनच देण्यात यावे.शासकीय कर्मचाऱ्याप्रमाणे १०/ २०/३० आश्वासित प्रगती योजना लागू करण्यात यावी,आदी मागण्या करीता संघटनेच्या वतीने हिवाळी अधिवेशनादरम्यान नागपूर येथे गुरूवार १९ डिसेंबर २०२४ रोजी निदर्शने, धरणे आंदोलन करण्यात येणार असल्याचे संघटनेचे महासचिव प्रा.अभिजित धानोरकर परभणी, उपाध्यक्ष प्रा.संपत कदम नाशिक,कार्यवाह प्रा. योगेश्वर निकम,कोष्याध्ध्यक्ष सुनिल कांबळे आदींच्या सह्याचे निवेदन मुख्यमंत्री देवेंद्र फडणवीस,उपमुख्यमंत्री एकनाथ शिंदे आणि अजित पवार यांना पाठीवले असल्याचे
माहिती महाराष्ट्र राज्य २००५ पूर्वी अंशतः/टप्पा अनुदानप्राप्त शिक्षक शिक्षकेत्तर संघटनेचे अध्यक्ष प्रा.विजय शिरोळकर, कोल्हापूर यांनी शिरोळ येथे दिली.