आळते / प्रतिनिधी
आळते ता.हातकणंगले येथील मॉडर्न विद्यानिकेतन आळते या सैनिकी पॅटर्न निवासी शाळेचे वार्षिक पारितोषिक वितरण समारंभ व विविध गुणदर्शनाचा कार्यक्रम उत्साहात पार पडला.कार्यक्रमाचे अध्यक्ष जि. प. सदस्य मा.श्री अरूणराव इंगवले यांनी आपल्या भाषणात सांगितले की मॉडर्न विद्यानिकेतन शाळेने शैक्षणिक व क्रीडा क्षेत्रामध्ये शाळेबरोबर आळते गावचे नाव महाराष्ट्र राज्याच्या कानाकोपऱ्या पर्यंत पोहोचवले. तसेच रोटरी क्लब 3170 चे सहाय्यक प्रांतपाल मा.श्री.यतिराज भंडारी म्हणाले की शाळेने विद्यार्थ्याच्या शैक्षणिक प्रगतीबरोबर शारीरिक व सामाजिक जडणघडनेमध्ये मोठा हातभार लावलेला आहे.यावेळी शैक्षणिक व क्रीडा क्षेत्रात उल्लेखनीय कार्य करणाऱ्या विद्यार्थ्यांना बक्षीस वितरण करण्यात आले.यावेळी उपस्थित पत्रकार बंधूंचे स्वागत व सत्कार करण्यात आले तसेच पाहुण्याच्या हस्ते शाळेच्या सह्याद्री या वार्षिक अंकाचे प्रकाशन करण्यात आले.कार्यक्रमाचे प्रास्ताविक संस्थेचे सचिव तथा मुख्याध्यापक श्री सचिन चौगुले यांनी केले. संस्थेचे संस्थापक अध्यक्ष श्री राजेंद्र माने यांनी संस्थेच्या उंचावत असलेल्या कामगिरीबदल समाधान व्यक्त केले.कार्यक्रमाचे आभार संचालक श्री महादेव चौगुले यांनी मानले.या कार्यक्रमाला संस्थेचे संचालक बापूसाहेब माने, सुनिल आवटी अप्पासाहेब चौगुले, रामचंद्र माने,अजित माने,पांडुरंग पाटील सुदर्शन चौगुले, वारणा बॅंकेच्या संचालिका सौ.सुवर्णा माने,मनिषा चौगुले तसेच मोठ्या संख्येने पालक वर्ग उपस्थित होता.
