पुलाची शिरोली / प्रतिनिधी कुबेर हंकारे
पुलाची शिरोली येथील समता शिक्षण प्रसारक मंडळ संचलित कै. रा.म.महाडीक हायस्कूल, नवजीवन विद्यानिकेतन, अंकुर विद्यालय शिरोली पुलाची या शाळांच्या वतीने भारताचा ७६ वा प्रजासत्ताक दिन सोहळा मोठ्या उत्साहात व दिमाखदार पद्धतीने साजरा करण्यात आला. ध्वजारोहण शिरोलीचे माजी उपसरपंच कृष्णात करपे यांच्या हस्ते तर पूजन जेष्ठ पत्रकार विजय पोवार यांच्या हस्ते करण्यात आले,शाऴेच्या ‘ समता ‘ या भित्तीपत्रिकेचे उद्घघाटन आशा सेविका अनिता रावण, अनिल कोळी,निवास पाटील व महंमद महात यांच्या हस्ते झाले,
राष्ट्रीय पुरुषांच्या प्रतिमांचे पूजन बाळासाहेब पाटील, महादेव सुतार, प्रकाश शिंदे, साहेब रोहीदास, प्रमोद पाटील, यांनी केले. कार्यक्रमाच्या अध्यक्षस्थानी संस्थेचे अध्यक्ष प्रकाश कौंदाडे तात्या होते, निमंत्रितांचे व पालकांचे स्वागत शाळेच्या मुख्याध्यापिका प्राजक्ता ओऊळकर व प्रियांका लाड यांनी केले. शाळेच्या विद्यार्थ्यांनी ध्वज गीत, राष्ट्रगीत, राज्य गीत सादर करून कार्यक्रमाची सुरुवात केली. विद्यार्थ्यांनी शानदार संचलन करून ध्वजाला व पाहुण्यांना मानवंदना दिली.
विद्यार्थ्यांनी नेत्र दिपक अशी फॅन्सी ड्रील, लेझीम,झांज पथक,डंबेल्स,रिंग,व कवायत प्रकार सादर केले. शौर्य गीते, शाळेच्या शिक्षिकांनी सादर केलेल गीत आकर्षक ठरले.
विद्यार्थ्यांनी मराठी, हिंदी व इंग्रजी भाषांतून भाषणे सादर केली. अंकुर विद्यालयातील अस्मिता मोरे या छोट्या मुलीने इंग्रजी भाषेत केलेल्या भाषणाने प्रेक्षकांची मने वेधून घेतली.
कार्यक्रमास शिरोली गावच्या सरपंच पद्मजा करपे, ग्रामपंचायत सदस्या कमल कौंदाडे माई, संस्थेचे उपाध्यक्ष बाबासाहेब गुरव, दिग्विजय कौंदाडे, सागर कौंदाडे, शंकर पाटील, कवठेकर गुरुजी, बाळासाहेब पुजारी, प्रा. वसंत शिंदे, विविध संस्थांचे पदाधिकारी, क्रीडा मंडळांचे प्रतिनिधी, पत्रकार , पालक , सामाजिक व राजकीय क्षेत्रातील मान्यवर उपस्थित होते.कार्यक्रमाचे नियोजन प्रशासन प्रमुख एस.डी.लाड यांनी नेटक्या पध्दतीने केले. शाळेच्या मुख्याध्यापिका प्राजक्ता ओऊळकर , पर्यवेक्षिका प्रियांका लाड, जयश्री तिरपणे, लक्ष्मी दिवटे, राधिका पाटील, अश्विनी बनगे, सुजाता गावडे, भाग्यश्री ओक, स्नेहल पाटील, मनिषा गावडे,रोहन संकपाळ, विजय पाटील, सरिता पाटील यांनी परिश्रम घेतले, सूत्रसंचालन जयश्री तिरपणे व भाग्यश्री ओक यांनी केले .या वेळी संस्थेच्या वतीने मुलांना खाऊ वाटप करण्यात आला. वंदेमातरम गीताने कार्यक्रमाची सांगता झाली .
