पु.शिरोली / कुबेर हंकारे
पुणे बेंगलोर राष्ट्रीय महामार्गावर हाॅटेल दुर्गामाता समोर दुचाकीची पादचार्यास धडक होऊन पादचारी व दुचाकी स्वार जागीच ठार हा अपघात रविवारी दुपारी ३ वाजण्यासुमार झाला .
घटनास्थळ व पोलिसातून मिळालेल्या माहितीनुसार पुणे बेंगलोर राष्ट्रीय महामार्गावर हाॅटेल दुर्गामाता शेजारी कोल्हापूरहून पुणेच्या दिशेने भरधाव वेगाने जाणाऱ्या मोटरसायकल ( क्रमांक एम एच ०२ ई एम ०१२३ ) ने रस्ता ओलांडून दुर्गामाता हाॅटेलकडे येणाऱ्या किणी ता हातकणंगले येथील सचिन उर्फ पोपट कुमार चौगुले ( वय ४४ ) याला जोराची धडक बसून तो जागीच ठार झाला.
तर मोटरसायकल स्वार सौरभ संजय साळुंखे ( वय २८ रा नागाळा पार्क कोल्हापूर ) गाडीसोबत ३० ते ३५ फूट फरफटत गेल्याने तो गंभीररीत्या जखमी झाला होता त्याला उपचारासाठी रूग्णालयात दाखल केले असता उपचारादर्म्यान तो मयत झाला .
सचिन चौगुले हा शिरोली औद्योगिक वसाहतीमधील एसीआर कंपनीत कामास असल्याने तो शिये फाटा येथे बसमधून उतरून सेकंड शिप्ट ( दुसर्या पाळीत ) कामावर येत होता त्यावेळी रस्ता ओलांडताना भरधाव मोटरसायकलची धडक बसून तो जागीच ठार झाला सचिन हा एकुलता एक व अविवाहित असून त्या पश्चात आई वडील व विवाहीत तीन बहिणी असा परिवार आहे तर सौरभ साळुंखे हा सिव्हिल इंजिनीअर असून त्यांचा कंस्ट्रक्शनचा व्यवसायासह शिरोली औद्योगिक वसाहतीमध्ये वडीलांच्या कंपनीत हो वडीलाना मदत करत होता.
