पुलाची शिरोली / प्रतिनिधी कुबेर हंकारे
दहा वर्षीय अल्पवयीन मुलीवर ६० वर्षीय सुरक्षारक्षकाकडून लैंगिक अत्याचार करण्याचा प्रयत्न केला वेळेवर मुलीने आरडाओरड केल्याने सुरक्षारक्षकाने पलायनाचा प्रयत्न केला.पण मुलीच्या आजीने आडवून झाडूने चोप देवून पोलिसांच्या ताब्यात दिले.या घटनेची नोंद रात्री उशीरा शिरोली पोलिसात झाली आहे.शिरोली पोलिसातून मिळालेल्या माहितीनुसार पुणे बेंगलोर राष्ट्रीय महामार्गालगत असणार्या चार चाकी नविन कार गाड्यांचे पार्किंग डेपो असून या डेपोत गेली कित्येक वर्षांपासून एक कुटुंबीय वाचमन म्हणून राहून येथील देखभाल करत आहे.पण या परिसरात महागड्या कार पार्किंग असल्याने कार कंपनीने येथे खाजगी सिक्युरिटी नेमून येथे चौवीस तास गार्ड तैनात ठेवले असतात.पण आज या पाईंटला कोणी सिक्युरिटी गार्ड आला नसल्याने दिवसभर या सिक्युरिटी कंपनीचा सुपरवायझर थांबला होता.पण आज दुपारी हा ६० वर्षीय सुहास शंकर गावसाणे ( रा वाणेगल्ली सुभाष चौक, वैराग जि सोलापूर ) व्यक्ती जेवणाचा बहाणा करून येथे आला व त्याने सुपरवायझरकडे पाणी मागितले पण सुपरवायझरने त्याला वाचमन कुटुंबीयच्या घरातून पाणी आनण्यास सांगितले असता या सुहासने अल्पवयीन मुलीकडून पाणी घेवून तीला बाजूस असणार्या जनावरांच्या गोठ्यात नेले व आपले स्वताचे कपडे काढून लज्जास्पद वर्तन करत या अल्पवयीन मुलीवर अत्याचार करण्याचा प्रयत्न करत असताना मुलीने आरडाओरड केल्यावर घरात झोपलेल्या आजीला जागं आल्यावर तिने गोठ्याकडे धाव घेवून सर्व चित्र पाहीले असता सुहासने पलायन करण्याचा प्रयत्न केला पण आजीने त्यास आडवून झाडूने मारहाण करत पोलिसांच्या ताब्यात दिले.या गुन्ह्य़ाची नोंद शिरोली पोलिसात रात्री उशिरापर्यंत सुरू होती.