फुफुसाची क्षमता वाढविण्यासाठी काय कराल? पहा हा व्हिडीओ

निमोनिया, दमा, ब्रॉंकायटिस,या आजारामध्ये फुफुसाची श्वास घेण्याची क्षमता कमी होते. कारण फुफुसाचे अंकुचन व प्रसरण व्यवस्थित होत नाही.

फुफुसाची क्षमता कमी होण्याची कारणे –

अनुवांशिक आजार, क्षयरोग, छातीत पाणी होणे, दमा, निमोनिया, ब्रॉंकायटिस,धूम्रपान, कफ वाढविणारे पदार्थ, फ्रिज मधील पदार्थांचे सेवन.

फुफुसाची क्षमता कमी झाल्यास लक्षणे –
धाप लागणे, चक्कर येणे, छातीतून घर -घर आवाज येणे, थकवा वाटणे, छातीत धडधडणे, छाती भरणे.

अपथ्य (काय खाऊ नये )-
दही, ताक, वांग, उडीद, पापड, लोणचे, हरभरा, बटाटा, केळ, दूध व दुधाचे जड पदार्थ, कोल्ड्रिंक, थंड पाणी, थंड हवा, भेंडी

पथ्य (काय खावे )-
दुधीभोपळा, पडवळ, दोडका, काकडी, बिट, गाजर, मध, आले, ओवा, तुळस, गवारी, ढबू मिरची, घेवडा, शेवगा, मुगडाळ. भाकरी, ज्वारीच्या कन्या, भात, वरण भात, कोमट पाणी.

आयुर्वेदिक औषधे –
कानकासव, सितोफलादी चूर्ण, तालीसादी चूर्ण, श्वासकुठार रस, श्वास चिंतामणी रस.

उपाय –

1) गरम मोहरी तेलात थोडेसे मीठ मिसळून छातीस व छातीच्या मागील बाजूस हलकी मालिश करणे व शेक घेणे.
2) लसूण थोडे कुटून, मधसोबत चाटण करणे.
3) काळी मिरी पावडर, मधसोबत चाटण करणे.
4) सकाळी व संध्याकाळी 15-15 मिनिटे फुगा फुगवणे. जेणेकरून छातीचा व्यायाम होईल.
5) भारंगी,ताल सिंधुर, शिला सिंधुर, टँकण भस्म, पुष्करमूळ, दालचिनी,जेष्ठमध,
टंकण भस्म,तालीसपत्र, दालचिनी, कर्कटशृंगी यांचे एकत्रित चूर्ण करून गरम पाण्यासोबत घेणे.
6) गोमूत्र अर्काचे सेवन देखील यात हितावह आहे.
7)पंचगव्य घृत नस्य दिवसातून 2 वेळा नाकात टाकावे, त्याने ऑक्सिजन लेवल वाढते, श्वसनातील अडथळे दूर होतात.
8) निलगिरी तेल 2थेंब थोडया साखरेसोबत घेतल्यास, कफ मोकळा होतो व छातीतून येणारा खर -खर आवाज हि थांबतो.
9) घसा खोकून खोकून दुकत असल्यास थोडे तिळ तेल व साधे मीट गरम करून प्यावे, त्याने खोकला थांबतो.
10) डोक्यावरून अंघोळ करू नये.
11) थंडीतून फिरताना योग्य काळजी घ्यावी. डोके व छातीला थंड हवा लागू देऊ नये.
12) AC व फॅन चा वापर टाळावा.
13) कोमट जलाचे सेवनच नियमितपने करावे.
14) या मध्ये तालासन, कोणासन, बितिलासन,भूजंगासन सारखे योगाभ्यास करावेत.
15) ॲक्युप्रेशर चा उपयोग करून घ्यावा.